Timu ya KIUT, Yellow Jacket, zimefanikiwa kutoa dozi kwa wapinzani wao katika michezo ya ligi ya kikapu Daraja la kwanza wa mkoa wa Dar es salaam, uliochezwa juzi kwenye uwanja wa klabu ya Harbous Kurasini.

KIUT ilifanikiwa kuibuka na ushindi wa pointi 59-49 dhidi ya Kurasini Heat katika robo ya kwanza KIUT iliongoza kwa point 18- 04, huku robo ya pili nay a tatu iliongozwa na Kurasini Heat kwa point 18 – 05, 18- 11, na robo ya nne KIUT iliongoza kwa pointi 25 – 09.

Akizungumza na Zanzibarleo kocha mkuu wa KIUT Denis Funganoti alisema siri ya ushindi dhidi ya wapinzani wao ni vijana wake kuwa na kasi.

Alisema ushindi uo umewapa ali ya kuendelea kupambana katika michezo iliyopo mbele na kudai kila mchezo kwa ni fainaili hivyo watapambana ili kuhakikisha wanapata matokeo mazuri.

Matokeo mengine Megone ilikubali kichapo cha point 48 – 35 dhidi ya Yellow Jacket huku PTW ikishinda kwa point 88 – 64 dhidi ya Cries na kumalizia Magnet wakipokea kichapo cha point 63- 56 dhidi ya Srelio.

Chanzo: Zanzibar Leo

Mwandishi: Victoria Godfrey